Shillong, Risaw 19: U Chief Executive Member jong ka KHADC u Bah PN Syiem mynta ka sngi u la ai ka jingkubur hapoh ka iing dorbar ba yn thung da ka ‘ Magisterial Inquiry’ ban tohkit halor ka jingthep ia ka pisa jong ka Council kaba dei ka professional Tax na Nongstoin bad Nongpoh sha ka account jong u riew shimet.
Na ka liang jong u CEM, u la ong bay m bthah ia u magistrate ba yn pyndep ia kane ka jingtohkit hapoh ka ar bnai, bad ia ka kaiphot ha kaba ia dei bad kane dei ban ai sha ka Executive Committee, bad ynda la ioh ia ka kaiphot ka EC kan sa leh ia kaba don kam ban pynshitom kat ia kiba don kti. Ia kane ka kiaphot ruh yn phah ruh sha baroh ki MDC jong ka iing dorbar.
Ynda ki MDC kila ioh ia ka kaiphot kin sa lah ban kdew ia ka kaiphot la kin pdiang ne kim pdiang, bad lada kim hun kin hap ban ai da ka jingthoh sha ka EC kumno ban leh ha kaba ia dei bad ka jingthohkit. U la ong ba ka EC ruh ki sngewkhia ia kane ka bynta bad ha ka jingshisha ki dei ban iaid katkum ki kynduh jong ka ophis, u la ong ba ia kane kim lah ban ia kren lut mynta ka sngi, ai ka jngthohkit kan kren kumno.
Kane ka jingjubab ka long halor ka Zero Hours kaba la wanrah da ka kong Telenia Thangkhiew MDC jong ka SHPDP, halor ka jingmih khubor ba ar klur tyngka la thep ia ka pisa professional Tax kaba dei na Nongstoinb ad Nongpoh sha ka account jong u Riew shimet.
Na ka liang jong ki MDC kiba la ia shimbynta ban ia kren halor kane ki long u Bah Pyndiaid Sing Syiem jong ka HSPDP, U Bah Adelbert Nongrum KHNAM, u Bah LG Nongsiej, u Bah Morning Mawsor, Bah T Dkhar jong ka UDP bad ka kong Rona Khyndeit.
Ha ka jingkren jong ki baroh kila pynpaw ia kane ka jingsngewsih diaw ka jong ki ba kumno kane ka lah ban jia ba ia ka pisa jong ka ophis yn thep ha ka account jong u riew shimet naduh u snem 2013 ter ter haduh 2015. Kine baroh ki MDC kila dawa ba dei ban don ka jingthoh kit kaba long lait luid.
