Shillong, Kyllalyngkot 16: Ka People Democratic Front (PDF) kaba bat ia ka bor synshar hapoh jong ka Khasi Hills Autonomous District Council (KHADC) mynta ka sngi kala shim ia ka rai ban ujor da ka mukotduma hapoh jong ka Meghalaya High Court pyrshah ia ka Meghalaya Urban Development Authority building By-Laws., la ong u Bah PN Syiem CEM.
Ha kane ka jingialang jong ka PDF kaba la long mynta ka sngi kila shim ia ka rai ruh ban thoh sha u Lat jong ka jylla bad ka sha ka sorkar jylla ban pan jingpynshai ba balei la pynshlem ia ka Village Administration Bill, wat la ka KHADC naduh u Naiwieng kala dep ban phah ia ki jingpynshai ha kaba ia dei bad ka jingpan jingpynshai jong ka Home Ministry halor ki 12 tylli ki mad.
U Bah PN Syiem CEM jong ka KHADC ba ka jingpyntrei kam jubor jong ka MUDA ia ki building By-Law sha ki jaka ba long sha bar jong ka Municipal kala long ka jingeh kaba khraw ia ki paidbah, namar ka MUDA kala bethah ia ka MeECL bad ia ka PHE ba kin nym ai light bad um lada ki trai iing kim pat ioh ia ka jingbit ban shna iing.
Haba ia dei bad ka VAB, la ong ba halor kano kano nongrim ba ka sorkar kala ai jingmut ia u Lat ka jylla bay n dang pan jingpynshai na ka tand kam poh iing jong ka sorkar pdeng, ha dien b aka tand kam poh iing kala pan jingpynshai ia ki khatar tylli ki mat, ka KHADC kala pynshai bad balei ka dang pynslem ka sorkar halor jong kane kin thoh sha ka sorkar ban pyn jingpynshai ha kaba ia dei bad ka VAB.
La ong ruh ba kane ka jingialang jong ka PDF mynta ka sngi ka long kaba nyngkong na ka bynta jong u snem 2017 bad ha kane ka sngi la pdiang burom ia ki MDC jong ka seng HSPDP bad ia uMDC jong ka NCP sha ka PDF ba kila wan ban kyrshan ia ka Executive Committee la on gong u CEM.
