Shillong, Naitung 05: Ka kong D Kharshiing kala ujor sha ki pulit ba ha ka 12/Jylliew/2025 katba dang peit bniah ia ki synnot kiba dei ki nonshong shnong ia ki lai ngut u Subham Singh, u Rangan Kumar bad u Kushagra Rajpoot, kiba kam ba ki dei ki nongshong shnong ka Lumkseh, Shillong ban apply ia ka kam konstable hapoh ka kynhun shipai CRPF.
Ha ka jingbishar bniah ia ki syrnot la shem ba ki dei ki syrnot kiba shuthok, kumta na ka liang jong ka kong D Kharshiiing kala u jor sha ki pulit ia kane ka jingleh jong kitei ki lai ngut kiba la da ki syrnot thok, halor kane na ka liang jong ki pulit kila pynlong ia ka jingtohkit ban lap ia kitei ki briew.
Kat haduhba thoh ia kane ka khubor na ka liang jong ki pulit ki dang tohkit ban lap ia kitei ki lai ngut ban leh ia kaba don kam katkum ka ain ia kane ka jingleh thok shukor ka jong kitei ki lai ngut ki briew kiba la shah ujor sha ki pulit.
