Shillong, Naiwieng 26: Ka KSU Nongthymmai kan rakhe iaka lyngkhuh sngi iap ba 79 jong u myllung ba khraw jong ka jaitbynriew u Babu Soso Tham haka 18/12/2019 da kaba pynkup burom iaki samla pule ba wan shakhmat haki jingpule bapher bapher naduh ka SSLC haduh ka post graduate level.
Kane kan kynthup ruh iaki samla pule ba pass ICSE/CBSE/ISC.Ki samla pule ki dei kiba ioh 80% shajrong.La kyrpad iaki samla pule ba kin pynpoi iaki mark sheet bad admit card ha lane shuwa ka 30.11.2019 ha ki Rangbah shnong, ki Rangbah dong jong ka shnong ba ki sah.
Ki samla pule kiba yn pynkup burom ki dei kiba sah hapoh ka jylli treikam jong ka KSU nongthymmai circle ba kynthup iaki shnong Mawlynrei,Nongrah, Lapalang, Rynjah, Umpling, Rynjah, Nongrim hills, Pohkseh, Lumiablot pyllun, Lumpyngad, Lumsohphoh/Lumdiengsoh, Lawjynriew, Lumbatngen, Madanryting, Demthring bad Laitkor pyllun.
Na ka liang jong ka KSU Nongthymmai kala pyntip ruh ba ki samla pule ki lah ban phone sha ki nongialam jong ka KSU Nongthymmai , 8730803769/8257874808/8731049019/9366733055.
