Shillong, Nailur 02: Ka central trade union (CTU) mynta ka sngi kala khot ia ka jingpakhang ophis ha baroh kawei ka Ri kham tam eh ha ki tand trei kam kiba dei jong ka sorkar pdeng, kum ki bank, ki karkhana, kiba trei bylla sngi ha ki tand sorkar bapher bapher kiba dei jong ka sorkar pdeng bad jong ki sorkar jylla.
Ka jingkhot ia kane ka jingkhang trei kam mynta ka sngi ka long na ka daw ba ka sorkar pdeng ka kyntait ban ia kren bad ki nongialam jong ka seng halor ki khatar tylli ki mat jingdawa jong ki kiba dei naka bynta jong kiba bylla sngi bad ki tnad sorkar kiba bun jaid.
Ha kane ka jylla Meghalaya ka long ka sien kaba nyngkong ha kaba da ki hajar ngut ki briew kila ia mih ban ia shim bynta ha kane ka jingiaid paidbah mynta ka sngi, ki jingdawa kiba ha khmat eh ba ki la buh ka long ba ka sorkar ka dei ban shim ia ka rai ba ka bai bylla ha ki kam sorkar kam dei ban duna ia ka 18,000 tyngka ha ka shibnai. Ka bai bam tynmen kam dei ban duna ia ka 3000 tyngka shibnai.
Ka general secretary of the All India Trade Union Congress, ka Vijaya Lakshmi, haba kren ha ki lad pathai khubor ha dien ka jingiaid paidbah ha kane ka nongbah shillong kala ong b aka sorkar pdeng kam kwah ban ia kren bad ki nongialam jong ka seng ha kaba ki la buh ia ki jingdawa kiba dei n aka bynta jong ki paidbah dei na kane ka daw ba kim banse ba mynta ka sngi ki khot ia kane ka jingia iaid paidbah.
Ka jingdawa jong ki ka long ba ka sorkar pdeng ka dei ban pyntrei kam ia ka ain ban pynbiang ia ka bam na ka bynta ba baroh ki paidbah nongshong shnong jong ka Ri, bad ka dei ban sangeh shi syndon ia ka jingialad ia ki company bar ri ba kin bei pisa ha ki karkhana kiba dei jong ka sorkar.
