Shillong, Lber 06: Ka KSU Moodymmai Unit hapoh ka jingïalam jongu Samla Binos Syngkon President ha ryngkat ka jing ïadonlang ki dkhot haka miet 5.03.22 kala ïoh ban leit synñiang daki kot pule, ki khulom ki kopi bad kiwei kiwei ki jing donkam sha kawei naki skul miet kaba don hapoh shnong Moodymmai.
Ia kane la leh kum shi bynta ban tynrong lem ïaki jingeh jong kane ka skul miet kaba don hapoh Shnong, lah ban kdew ba ïa kane ka skul miet la seng ïaka da ka Seiñ Manbei jong kane ka shnong naduh u snem 2009 kum shi bynta ban ïarap ïaki khynnah ki bym iohlad shuh ban bteng ïaka jingpule ka jong ki khamtam ïa kito kiba duna ka ïoh ka kot.
Ha katei ka sngi naka liang jong ka Seiñ Manbei kala ai ïaka jing ïaroh ïaka KSU Moodymmai Unit kaba la kloi ban peit lem ïaka jingeh jong kane ka skul ha kaba kila kloi ban ïarap ban pynbiang lem ïaki jing donkam, ha kane ka sngi la ïadon ryngkat ruh u Secretary jong ka Dorbar Shnong kum ka jingai mynsiem ïa kane ka jingleit noh synñiang.
