Shillong, Rymphang 05: Kumba juh long man u snem ka seng Khasi mynta u snem ruh kala pynlong ia ka jingleit kiew sha u Lum Sohpet bneng ban dem ban nguh ia u nongbuh nongthaw da ka duwai ka phirat hapoh ka duwan dupat kaba la shna kyrpang ha kliar lum jong u Lum Sohpet Bneng.
Ha kane ka sngi da ki phew phew hajar ki khun khasi khara kiba dang bat iala ka jong ka niam ka rukom kila poi na kylleng jong ka Ri Lum khasi bad Jaintia ban ia shim bynta ha kane ka jingle niam kaba kyrpang shisien shisnem ban nguh ban dem ia u trai nongbuh nongthaw.
Kane ka jinglehniam ka long ban pynkynmaw ba u khun khasi khara u wan beit na u nongbah nongthaw, lyngba kata ka jingkieng ksiar ban wan shong wan sah ha kane ka sla pyrthei kane ka dei ka jingngeit kaba la hikai pateng bd kane ka jingleit kiew sha u Lum Sohpet Bneng ka long ban pynkynmaw ia katei ka jingngeit.
Ha kane ka sngi, ha ka dukan ka dupat, kila don ki tynmen ki san ban pyndep ia ka jinglehniam leh rukom ha kaba la suit la shor ha kane ka jaka ban duwai ban phirat da ka umkisar ka um rupa bad da u khaw mon u khawser bad ha dien ba la dep ka jingleh niam la sam ia u khaw monk haw ser sha ki paidbah ban eh la ka daw ka shin ka riewngiew ka bishi.
