Jowai, Nailar 24: ka War Jaintia Youth Council central body mynta ka sngi ka la pynlong ia ka Career Guidance ha Enowell hall Amlarem kum shi bynta ban pynshai ia ki samla ba kin nang ban pynshong dor ia ka lawei ba phyrnai jong ki.ia kane ka program la wan ban plie da ka S.D.O.Civil Amlarem kong I.Laloo.
Haba i kong Laloo ila ai ia ka jingkren kyntu kynpham ia ki 300 ngut ki khynnah skul class X bad XI bad XII ba kin shim ia kane kum ka kabu ban ioh jingtip ia ki lain pule bapher bapher i kong Laloo ka kyntu ruh ia ki nongialam jong ka WJYC ba kin nang iai trei shitrhem na ka bynta ka bha ka miat jong ka Amlarem Sub Division baroh ka wei.
Ha kane ka sngi la ia ioh ruh ia ka jingbatai lyngkot shaphang ka education loan na u Branch Manager ka SBI.Amlarem.Branch bad La ioh ruh ia ka jingpynshai ba kham bniah na i Public Relations Officer jong ka R.R.Institutions Bangalore u ba la batai ia ki lad ki lynti pule ha ki line ba pher ba pher,da kaba pynpaw ba u long u ba kloi ban iarap ia kino kino ki samla pule jong ka thain kiba kwah ban ioh rung ha ki institution ba don hapoh Bangalore bad ia kane ka jingialang la pyniaid da samla Lasting.L.Gadew. Genl Secretary la ioh ruh ia ka jingkren ai khublei na u Danial Khongsit President u ba la ai khublei ia ki Principal jong ki skul bad khynnah skul kiba wan ia sim bynta ha kane ka program u la khublei ryh ia ka kongsan jong I.Laloo ia i B.M jong ka SBI.Amlarem Branch bad kyrpang ia i bah B.Rynjah.
