Mawsynram, Jymmang 09: Ka Shad Suk Mynsiem ha ka shnong Kenmynsaw Syntein kaba hap hapoh ka Hima Mawsynram Syiemship ba la ju pynlong shisien man la ka snem, mynta ka snem 2017 la pynglong ha ki lai sngi lynter ha ka 4, 5 bad 6 tarik u Jymmang, 2017. Ka la long kaba iphuh iphieng ha kitei ki lai sngi lynter khamtam eh ha ka 5 bad 6 tarik haka riam tynrai da ka mainksiar ka mainrupa, u symphiah u thuïa.
Ha ka 4 tarik kaba longka sngi Shad Nohkjat la pynlong ia ka nguh ka dem ka duwai ka phirat ha shwa ban mih na Iingseng sha Lympung shad ha Madan Shad ha Raikohmit kumjuh ruh ha ha Lympung madan Shad la pyndep shwa ia ka nguh ka dem ia U Blei Traikynrang u Nongbuh Nongthaw kumjuh ha Madan Shad ha shwa ka ban sdang ia shad ka kmen. Ha ka 5 bad 6 tarik ruh ha shwa ban mih na iingseng la pyndep shuwa ia ka nguh ka dem ia u Blei Trai Kynrad u Nongbuh Nongthaw.
Ha ka 5 bad 6 tarik ki nongiashim bynta naduh ki hep kiba rit shynrang haduh ki samla bad ki rangbah ha ryngkat ka riam ka beit ka khor ka khriam trai, u mainksiar ka mainrupa, u symphiah u thuia ba ishongkun u symphiah u thuïa bad thei samla ki la kot palat spah ngut. Ka Shad Suk MYnsiem ha kane ka shnong ka la long kaba iphuh iphieng. Ha ka sngi kaba lai kaba long ka sngi kut jong ka Shad Suk Mynsiem ha kane ka shnong ka la don ka jingpynthut jongu slap ba tang khyndiat minit ha ka por janmit hynrei .
Ha ka sngi kut 6 tarik hadien ka shad mastieh (shynrang) ka shad hinih (kynthei) ha ka por bala kem iongrein (kemdum) ka bneng, la pyndep ia ka duwai ka phirat, ka nguh ka dem ia u Blei Trai Kyndrad u Bongbuh Nongthaw uba la kyrkuh kyrdoh banneh la ka riti ka dustur ha shuwa ban pynhap ia ka lama jong ka Seng ha Madan Shad Raikohhmit da uwei na ki Rangbah riewtynmen riewsan ka Seng Khasi Kynmynsaw ha shuwa ban leit phai na Madan Shad sha Iingseng.
Ha ka miet 5 bad 6 tarik ka pyniphuh iphieng bad pynshongshid shuh shuh baroh shimet haduh ban da shai kdar da ka jingialehkai drama ba itynnat ba la pynbit pynbiang bad ia shim bynta da ki samla jong ka Seng Khasi na kane hi ka shnong hi.
