Shillong, Nailur 21:Da ki spah ngut ki briew kila ia tuid ban leit peit ia ka jingpyni ia ki phlim khynnah ia kaba la pynlong da ka Children’s Film Society of India (CFSI), kaba la pynlong da ka tnad pathai khubor jong ka sorkar pdeng ryngkat ka jingiatreilang bad ka sorkar jylla. Ia ki phlim la pyni ha District Library Auditorium, Mynthong, Jowai.
Ia kane ka Children’s Film Festival la plié da u Bah Robinus Syngkon Parliamentary Secretary jong ka sorkar jylla. Haba kren kum u kongsan ha kane ka sngi, u la pynpaw ia ka jingsngewnguh ia ka Children’s Film Society of India (CFSI) bad ia ka Cinedarbaar ba kala lah ban pynlong ia kane ka jingpyni ia kine ki phlim bad kine ki phlim kin pyniar ia ka jingmut jongpyrkhat jong ki khynnah.
Ha kane ka sngi la pyni ia ka phlim kaba kyrteng ka ‘Kima’s Lode-Beyond the Class’ and ‘Mother I Love You’ . Ha kane ka sngi bun bah ki khynnah skul na ki skul bapher bapher jong ka sor Jowai kila wan ban ia shim bynta ban peit ia kine ki phlim.
Na ka liang jong ki heh sorkarkiba la don lang ha kane ka sngi ki long u Additional Deputy Commissioner, D.M Wallang, Extra Assistant Commissioner, B.J Kharshandi, C.Passah, Deputy Director, Information bad Public Relations, Assistant Director of Information bad Public Relations, R. Muksor bad u heh ba dei peit ia Cinedarbaar, u Satya Raj Rai jong kane ka thain shatei lam mih ngi jong ka Ri India.
Kane ka jingpyni ia ki phlim ia ki khynnah kaba shitaiew lynter hakane ka jylla kan long ha ki bynta bapher bapher jong ka jylla bad la shai ka sngi yn pyni ha U Soso Tham Auditorium, Shillong. Ha kane ka nongbah shillong kan long ar sngi lynter.
