Shillong, Rymphang 19: Ki shipai BSF kiba long ki nongap pahara ha khapud bad ka Bangladesh dang shen ki la ioh ban kurup haduh 68 tylli ki masi kiba la thmu ban phah sha Bangladesh na Khasi Hills bad West Jaintia Hills District.
Katkum ka jingkhein kaba la ai da ki BSF ka dor jong kine ki 68 tylli ki masi ki long T.9.78 lak tyngka, ka jingioh kem ka dei namar ba ki shipai BSF katba dang mih ki sngi kila dang pynkhlain shuh shuh ia ki jingpahara ha khappud.
Kaba sngewlyngoh ka long ba kine ki masi baroh ki wan na jylla Assam bad kat kum ka Assam Prevention of Cattle Act, 2021 kam shah ban kit masi ot doh namar ka jylla Meghalaya kam pat don ain ha kaba ia dei bad ka kam ot doh.
Ia kine ki masi la pynkit na Assam sha duh khappud Bangladesh da ki trok hynrei kaba pynlungoh ka long ba kumno kine ki masi ki ioh ban poi shaduh khappud bad ka Bangladesh ba ki BSF kin ioh ban kem ia ki masi shuwa ban phah sha Bangladesh.
