Shillong ,Jylliew 29: Ka All India Legal Aid Forum (AILAF) ka la dawa na ka sorkar jylla ba ka dei ban pynbna noh ia ka 23 tarik u Kyllalyngkot kum ka sngi shuti kum ka dak ban pynpaw ia ka jingsngew burom ia uwei u nongialeh ban pynioh ia ka jinglait luid ia ka ri India u Netaji Subhas Chandra Bose.
U Joydeep Mukherjee u nongiasaid ain ka Supreme Court haba ai jingkren sha ki lad pathai khubor mynta ka sngi ula iathuh, bun na ki paidbah jong ka ri hi baroh kawei kim da don jingtip bha halor ka jingiap jong u Subhash Chandra Bose kiba bun ki ioh jingtip ba ka jingiap ka dei na ka daw jong ka jingbthei ka helicopter ha ka 18 tarik u Nailar 1945 ha Thay Huko Japan hynrei kata ka long ka bym shisha halor ka jingiap jong u Subhash Chandra Bose
Ula ong, “ngi la buh ia ka jingdawa na ka sorkar kmie ba ka dei ban pynbna paidbah ia ki 42 tylli ki kot halor u Subhas Chandra Bose kiba ki ka sorkar kmie haduh kine ki sngi ka dang buhrieh.
Shuh shuh ula ong, ba ka sorkar kmie ka dei ban phah da ka shithi sha ka sorkar Russia ban pynpaw ia kot ki sla jong ka KGB ha kaba ia dei bad ka jingiap jong u Netaji Subhas Chandra Bose.
“Ka jingnoh synniang jong ka ‘India National Army’ bad ia u Subhas Chandra Bose ha ka jingialeh ban ioh ia ka jinglait luid jong ka ri India dei ban thoh pynshai ha ki kot pule jong ki khynnah skul bad ki kolej”,la ong u Joydeep Mukherjee.
