Shillong, Iaiong 25: Ka Hynniewtrep Youth Council (HYC) mynta ka sngi ka sngi ka la dawa ban tohkit halor ka jingkhie kynsan ka jingpang khieshoh hapdeng ki nong shong shnong ka thain Shella bad kiwei ki shnong marjan bad ha ka juh ka por ka dawa ban pynbit pynbit ia ki jingdonkam hapoh ki jaka sumar kum ka Ichamati CHC bad Shella PHC.
Haba iadei bad kane ka kam ka HYC seng kmie bad ka Shella Area Unit ka la leit ban aiti ia ka memorandum ha u District Medical & Health Officer (DM&HO), East Khasi Hills ba leh ia ka donkam.
Ka seng ka dawa ban pynbiang ia ki dawai dashin na ka bynta ban ioh ka jingsumar ia ka pang typhoid dei ban pynbiang ban ia kumba ka long ha Ichamati CHC bad Shella PHC kumjuh ruh ban pynlong ka jingpynthikna haba don ba pang, kumjuh ruh ban ai ka jinghikai ba kumno ban tip ki dak ki shin lane symptoms, kumno ban ai jingiada ba ai jingsumar ia kane ka jait jingpang, la ong u bah Roy Kupar Synrem.
Ka long kaba donkam bha ba u DM&HO un shikmkhia bha ha ba iadei bad kane ban ai jingiada ia ki ba bun ki briew ki ba shitom ha thaiñ Shella PHC bad Ichamati CHC, Sohra Civil Sub-Division.
Kum ka seng ka pyntip ba mynta ka sngi ki don ki khynnah kiba shitom shit bad ynda poi sha Shella PHC mynta ka sngi haba la peit da ki doktor la shem ba ka dei ka jingpang typhoid.
Kaba sngewsih ka long ba ka PHC ka khlemlah ban ban sumar ia u hangtei namar k jingbymbing ki dawai dashin, na ka bynta ka jingsumar ia ka typhoid fever la rah noh ia u sha Ichamati CHC, kaba jngai la kumba13-15kms, katba ha ba la poi ha katei ka jaka sumar ruh la iathuh ba ymdon dawai shuh bad la rah biang ia u ha Sohra CHC.
Ka seng HYC hi kan nym lah ban pdiang Ichamati CHC, kum ka First Referral Unit (FRU) from the adjoining PHCs, kaba la kot da ki hajar ngut ka jingkhein briew ki nongshongshnong, ka khlem don ki lad ai jingsumar kum ia kane ka jingpang Typhoid fever bad kane ka buh jingeh ia kiba ioh kane ka jait jingshitom, ka lah ban long ruh ka jingduh ia ki mynsiem briew ba kordor na kane ka jingpang.
La ong ba ka typhoid fever ka caused by a bacteria and a person with typhoid maybe a carrier of the said disease and thus infect other people also, ka HYC ka kyrpad ia u DM&HO ka long kaba donkam eh ia u ba un shimkhia ban pyntip ki ohisar ka tnad ka koit ka khiah.
Ka Shella PHC ban pynlong ka jingpeit bniah bad ban da jurip ia ki nongpang kiba don fever ha ki shnong ki thaw ban lap ia ka daw ban pynlong awareness ha ki shnong ba kin tip ia ki dak ki shin jong kane ka jingpang bad kumno b kin iada bad bud ryntieh ia ka jingleh khuid leh suba ban lait na kane ka jingpang.
