Shillong, Naitung 5: U Shongknor jong ka Joint Action Committee (JAC) u bah Pyrwa Lymba ba dei ruh Doloi jong ka Elaka Darang mynta ka sngi u la ong ba kum ka kynhunha ka jignialang kaba la long ha ophis treikam jong ka KSU kala shim ia ka rai ban dawa na u myntri rangbah ka jylla u Conrad K Sangma ban pyndam noh ia ka Umngot Hydro Power Project.
Ka jingdawa ba ka sorkar ka dei ban pyndam ia kane ka jaka pynmih bor ding ka long ba kan ktah ia ka rep ka riang jong ki paibah kiba don ha shilynter jong kane ka wah bad kumjuh ia kiba pyniaid ia ki kam jngohkai pyrthei, kane kan ktah ia ki 1500 ngut ki briew ha West Jiantia Hills.
U bah Pynskhem Mukhim symbut shongknor jong ka JAC u la ong ba kane ka jaka pynmih bor ding kan ktah ia ki 1338 tylli ki long iing kiba hap hapoh jong ka East Khasi Hills bad kine baroh ki dei ki nongrep, kum ka kynhun mynta kin sa pynkhreh ban pynkhreh ban ai da ka jingthoh.
La ong ba haduh mynta kim pat ai kano kano ka jingthoh laitnoh tang ka dorkhas kaba kaba dep ban ai sha ka u myntri rangbah ka jylla bad kaei kaba ki kwah ba u myntri rangbah u dei ban jubab sha ka JAC ia kaei kaba kila dep ban pynsngew lyngba ka dorkhas.
U President ka JSU u samla Edy Pohtam u la ong ba lada kane ka Umngot Hydro Power Project kan urlong kan ktah kumba 400 hektare ka jaka, la ong kumba ka long mynta ki ar tylli ki District Council ka KHADC bad ka JHADC kim pat ai ia ka NOC, ki kynhun ba don ha kane ka JAC ki long ki Trai khydnew, ki Rangbah shnong, KSU, JSU, FKJGP, HNYF, Tur.
