Jowai, Jymmang 08: Ka KSU Laskieñ circle ka la pynpaw ïa ka jingsngewkhia kaba jur halor ka jingsniew palat ka surok Pasyih-Saphai ka surok ba ki shait khot Pasyih-Garampani Road ha kaba ki nongleit nongwan ki la shem jingeh shisha ha ka leit ka wan. Kane ka surok ka sniew Palat bad dap Sa tang ki thliew ki syar shilynter.
Naka liang President ka KSU Laskien Circle Samla Balawan Suchiang u la ong ba ka seng ka dap shisha da ka mynsiem kaba sngewkhia ïa ka jingeh ki paidbah ki mat khamtam haka pang ka shitom kumjuh ban pynpoi iaki mar rep ka lah ktah shisha iaka kamai kajih.
Ka jingsniew u surok ka ktah shisha ia ka Ioh ka kot , ka trei kaktah bad Ka long ka daw ka jingsahdien sha kine ki Thain. Ka KSU ka sngew ban pynrem ia ki nongmihkhmat bad ki briew ba juh pynbiet bad Kular lamler ba kin pynbha ia surok hynrei ki San Snem ki wan bad mynta ka samoi ruh la Jan kut hynrei ym pat idak ei ei haduh mynta ruh.
Namar kata, ka seng ka la dawa bad pynsngew sha ki Bor bahalor kum na ka tnad PWD bad Ki nongmih khmat naduh MP Bah Vincent Pala, MLA Bah Robinus Syngkon bad ki MDC ba kin peit lem ïa ka jingeh ki paidbah ha katei ka thaiñ bad kumjuh ruh ban maramot noh ïa katei ka surok khnang ban pynsuk ïa ki paidbah ha ka leit ka wan.
