Shillong, Risaw 03: Ka seng KSU jong ka South West Khasi Hills District hapoh ka jingialam jong u president ka seng u Bah Daniel Khyriem mynta ka sngi kila leit ban dawa na ka myntri ka koit ka khiah ka kong Roshan Warjri ba ka sorkar ka dei ban pyntrei kam noh ia ka PHC jong ka Wahkaji kaba la shu sah mynta da ki phew snem.
Haba kren ha ki nongthoh khubor ha dien ba la ia kynduh ia ka myntri ka koit ka khiah u president jong ka seng KSU jong ka SWKH u Bah F Nongrem u la ong ba, ka UCIL kaba la shim ia kane ka jaka ai jingsumar mynshuwa mynta kala dep ban pynbha sha ka sorkar jylla bad kum ka seng ka dawa baka sorkar ka dei ban plié noh ia kane ka jaka sumar jong ki paidbah.
Ki paidbah ka tei ka thain kim don ia ka jaka ai jingsumar bad ka jan eh na ka bynta jong ki ka dei ka Mawkyrwat CHC bad kajingjngai na katei ka jaka ka long palat ia ka 48 Km bad lada kim lah ban sumar ha kane ka jaka hap ban kit sha Shillong.
Ka seng ka dawa na ka sorkar ba ka dei ban plié noh ia kane ka jaka ai jingsumar bad ha ka jingiakren bad ka myntri ka koit ka khiah, na ka liang jong ka myntri kala ong ba kan sa ia kren ia kane kakam bad ki wei kit and sorkar ban plié ia kane ka jaka ai jingsumar.
