Shillong, Iaiong 28: Ka MIYF jong ka Ri Bhoi District mynta ka sngi ka la phah da ka dorkhas sha u chief secretary ka jylla ha kaba ka la dawa kiba dei ban weng noh ia baroh ki nongtrei kiba don ha 13th mile, Tamulkuchi weighbridge hapoh jong ka Ri Bhoi District .
Ha kane ka dorkhas kaba la ai mynta ka sngi ka seng MIYF kala kynnoh ba ki trok kit dewiong kiba iaid lyngba kane ka jaka thew bad kiba kit palat pud kim ju rung ha kane ka jaka thew bad kane ka pynsuba jur ia ka seng ba ka don jinglait tuh ka khajana na u dewiong kaba jur bha ha kane ka jaka .
Ha ka jingiohi jong ka seng , la I kumba kine ki nongtrei sorkar kiba don ha katei ka jaka thew ka long kumba iarap ia kine ki trok kit dewiong kiba la kit palat pud . Ka seng MIYF ka pynkynmaw ba ka sorkar ka la wanrah ia ka mang tyngka kaba duna na ka bynta u snem 2017-18 , hynrei ka khajana pat ka shu lait ei .
Na ka liang jong ka seng MIYF ka la ong ba lada ka sorkar kam leh ei ei haba ia dei bad kane ka seng kam banse ban leh da kine ki kam ban khanglad ia kane ka jingkit beain palat pud jong ki trok kit dewiong. Ka seng ka dawa ba dei ban buh noh da ki CCTV camera ban iohkem ia ki trok ba phet na kane ka jaka thew la ong u bah Evester Sylliang General Secretary jong ka seng MIYF .
