Shillong, Rymphang 19: Ha ka jan miet jong ka sngi Thohdieng kala don ka jingshah siat ha Andro Konstitwensi ha kaba ha kaba u kpa ba dei u kyrtong jong ka party NPP u la mynsaw ha ka jingsiat pathar ha ki briew kiba ym lah ban tip ia kaba ki riew sniew kila siat ia ka iing jong u kyrtong bad kane kam dei ka sien kaba nyngkong.
U National President jong ka party NPP u Conrad la ong ba bun na ki kyrtong jong ka NPP, kiba ha iing jong ki kyrtong ki iing ki sem jong ki nongkyrshan ka party NPP kila shah ktah ia ka iing ka sem jong ki bad ia kine ki jingjia kila pyntip sha ka Election Commission ia kum kine ki jingjia.
U Cornad la kynnoh ba ia kane la leh da kiwei pat ki kyrtong na kiwei ki seng sain pyrthei, ia kine ki jingpyntip la dep ban ai sha ka Election Commission jong ka ka Ri India ha ka jingiakynduh bad u Chief Electoral Officer ka jylla Manipur bad ha kane ka jingiakynduh la dawa ba kum kine ki jingjia kim dei shuh ban jia.
Ha kane ka jingiakren ka party NPP kala dawa ba dei ban pynbuns huh ia ki kynhun shipai ban iada bad ban ai ka jingiada ia ki kyrtong khamtam sha kito kiba la don ha ka jingma bad la kyntu ba dei ban pynbna kino ki konstitwensi kiba don ha pdeng ka jingma khnang ba kum kine ki jingjia kin nym wan jia shuh.
Ka jigndawa ban pynbun shuh shuh ia ki pyrton pahara ka long ban pynthikna ba kino kino ki kynhun kin nym ioh ban pynbor ia ki briew ba kin leit sha kano kano ka kynhun ban thep vote bad ban pynthikna ba baroh ki kyndon jong ka Election Commission ha kaba ia dei bad ka jingpyniaid ia ka elelction dei ban bud.
Ha kane ka jingiakynduh na ka liang jong u CEO ka Manipur la ong ba la pan pyrton pahara shuh ban peit ba ka election kan iaid beit, na ka liang jong ka NPP kala dawa ba dei ban leh kloi lan ia kane ka bynta ban ai jingiada bad ia kito ki ophisar sorkar ba ia shah liang dei ban pynkynriah kam noh mardor.
