Shillong, Jymmang 23: U state president jong ka seng National People Pary’s (NPP) u Dr W Kharlukhi u la ong ba kum ka party ka dawa ba u myntri rangbah ud ei ban phah tohkit ha ka kynhun tohkit kaba lait luid ka National Investigation Agency (NIA) ia ka jingkam jong ka seng HNLC ba u Dr Mukul u kyrpad ia ka tei ka seng lehnoh ban kyrshan ia ka seng Congress ha ka election MLA 2018 sha ka iing dorbar thawain ka jylla.
Haba kren ha ki nongthoh khubor mynta ka sngi ha ophis jong ka seng ha Lachumier u Dr Kharlukhi u la ong ba kumba ka paw ha ki lad pathai khubor u myntri rangbah u la kyntait ia katei ka jingkam jong ka seng lehnoh HNLC, lada u la kyntiat, ban ia shai sha ki paidbah u dei ban aiti ia kane ka kam ban tohkit da ka NIA, lada u chief minister u ym don ei ei.
Haba kylli halor ka jingtohkit da ki bor jong ka sorkar jylla, u nongai ktien jong ka seng NPP u James K Sangma, u la ong ba kan bha shibun ban tohkit da ka kynhun tohkit kaba lait na ka jingia dei bad ka sorkar jylla khnang ba ka jingthohkit kan long kaba khuid khlem don kano kano ka jingshah liang bad ki paidbah ruh kin don ka jingshaniah ha kata ka kynhun tohkit ban ia shai.
Na ka liang jong u MLA jong ka NPP u ba dei ruh u nongai ktien ka seng u James, u la ong ba u myntri rangbah u la dei ban aiti mardor ia kane ka jingthoh kit sha ka NIA, namar ia kine ki ktien, ba ka don ka jingiadei hapdeng ki lehnoh bad ki briew ba don ha ka sian pyrthei kumba la juh mih na ka por sha ka por ha ki lad pathai khubor kan ia shai syndon kdar. Ai u myntri rangbah un phah tohkit ha ka NIA ia kane ka jingkam jong ka seng lehnoh HNLC.
