Shillong, Naitung 19: Ki nongialam jong ka seng Congress na Mawthyngkut hapoh ka jingialam jong u Bah Saraly Rashir EM ba rim jong ka KHADC, ryngkat bad u Deputy Chief Minister u Bah Rowell Lyngdoh mynta ka sngi kila leit ban ia kynduh ia u myntri rangbah ka jylla u Dr Mukul Sangma ban dawa ba dei ban plié noh iaka Mawthungkut Civil Sub Division kumba la kren hapoh ka iing dorbar thawain jong ka jylla.
Haba kren ha ki lad pathaikhubor u Bah Rashir u la ong ba ha kane ka jingia kren bad u myntri rangbah ka jylla u al ong ba ynsa ia peit ynda la rang ka bneng, ha u bnai Risaw ne Naiwieng, ia kane kakam yn dang hap ban ia pynbeit shuh shuh ban ia buh ia ka sngi ban plie.
Ha kane ka jingiakynduh kum ka seng Congress na katei ka thain kala dawa ruh na u myntri rangbah ba dei ban kyntiew kyrdan noh iaka Seinduli PHC sha ka kyrdan CHC na ka bynta ka jingmyntoi jong ki paidbah kathain.
Ka jingiakren kaba la kham bat iaka por ka long halor ka police station kaba ki kwah ban plié thymmai namar katei ka jaka ka don ka jingiadei hapdeng ka East Garo Hills, ka North Garo Hills bad ka West KHasi Hills bad ka surok ban leit sha Garo Hills ka rung na Shallang sha Ronjeng.
Kane ka thain ka don kam ia ka police station ban the la kam ia ki kam sniew ha ka tei ka thain, namar ka Shallang police station kala khma jngai na ka thain Rongjeng, ha kane ka jingiakhun pyrshah ia ki kam sniew ha katei kathain la don kam sa ka wei ka police station ban ia jan ka jingtreikam ha kine kilai tylli ki District kiba ia khap.
Ha kane ka jingleit iakynduh ia u myntri rangbah la don lang ruh ki riew rangbah ka tei ka thain bad ki seng samla ban pynsngew ha u myntri rangbah ka jylla ia ka jingdon kam iaka Civil Sub Division, bad kum ki riew rangbah ka thain ki da pynpaw ruh ia ka jingsngewnguh ia u myntri rangbah ka jylla ba u la kyntiew ia ka Mawthungkut Administrative Unit sha ka kyrdan Civil Sub Division bad kane ka jingwan jong ki ka long ban dawa ba dei ban plié noh ia kane ka Civil Sub Division, la ong u Bah Rashir.
