Shillong, Risaw 14: Ki nongshong iew ki la pynpaw ia ka jingbitar halor ka jingkynnoh ka Nongiew Association (NIA) ba ki nongsar iew ki dawa pisa na ki nongshong iew ka long kaba bakla. Kane ka jingai ka long ka jingai sngewbha ym ba ki shah dawa pisa.
Ka kong Victoria Marwein ka President Greater Iewduh welfare Organisation (GIWO) haba kren ha ki lad pathai khubor ka la ong , ba ka jingkynnoh da ka NIA ba ki nongshong iew ki la shah dawa pisa ha ki nongsar iew ka long kaba bakla namar ia kine ki nongsar iew la khot sngewbha da ki nongshong iew ban pynkhuid ia ka iew.
Kum ka burom “ngi ju ai ia ka bai sar sha ki nongsar iew hynrei kam don kata ka jingshah dawa pisa” ong ka kong Victoria. Na ka liang jong ka GIWO “Ngi dawa na ka NIA ba ka dei ban ai jingpynshai halor ka jing kynnoh ba ki nongsar ki dawa pisa.
U bah S.Nongkhlaw u OC ka Hima mylliem , u la ong ba halor katei ka jingkynnoh baroh u la ong ba um don jingtip ei ei ruh em, ha ka jingleit tohkit jong u ki nongshong iew ki ong ba ki ai ia kane ka pisa da ka mon sngewbha jong ki.
U bah Rones Lyngdoh u nongsar iew haba ia kren bad ki nong thoh khubor u la ong “ kum ki nongsar iew ngi la trei ia kane ka kam ban shakri hok ia ki paidbah bad ka jinglum ia ka pisa bai sar ka long kat kum ka jingbret kriah ki nongshong iew.
U la ong , ka jingai pisa bai sar da ki nong shong iew ka long ban iarap ia ki namar ka jing siew tulop da ka Hima ka long 1800 shi bnai.“ kito ki sengbhalang kiba peit ia ka jingbha ki nongiew ha shwa ba kin kynnoh ki dei ban wan ban wan tohkit na ki ban lap ia ka jingshisha, u la ong u bah Rones.
