Jowai, iaiong 08: Ka shnong Nongtalang ha ryngkat bad ki paid nongshong shnong baroh kila dawa mardor na ka tnat MeECL bka dei ban pynbha ne bujli noh ia u Tranformer bala sniew uba don ha katei ka shnong.
Katkum ka khubor bala phah da u Secretary shnong ma Du Myrchiang la iathuh ba kane ka jingduh jong utei u Transformer kala wan rah ia ka jinglip lait ha katei ka shnong la bun bun sngi. La iathuh ruh ba hadien ka jingujor na ka liang ki bor shnong ka tnat MeECL kala wan ban jurib ia ka utei u Transformer, hynrei ym lah pat ban tip na kaei ka daw ba haduh mynta kane ka tnat ba peit ia ka jingsam bor ding kam pat wan pynbha satia ia utei u transformer.
La iathuh ba kane ka jinglip lait kala ktah jur ia ki samla pule jong kane ka shnong bad ruh ia ki jaka sumar, kumjuh ia ki nongshong shnong hi baroh kawei. Kumta na ka liang ki nongshong shnong kila dawa bad kyntu jur na ka tnat MeECL ba ka dei ban maramot noh kloi kloi ia utei u transformer khnang ba ym don shuh ka jingthut ha ka liang ka jingioh bor ding jong ka shnong Nongtalang.(SP News)
