Shillong, Rymphang 07: U myntri khynnah jongka sorkar pdeng u ba dei peit ia ka kam rel u Ranjen Gohain ha ka jingkren ka jong u kum u kongsan ha ka Digi Dhan Mela kaba la long mynta ka sngi ha State Central Library shilling, u la ong ba dei ban hikai ia ki paidbah kumno ban pyndon kam ia ki mobile jong ki ba kan long kum ka Bank.
U la ong ba ka jingpynkylla ia ka pisa da u myntri rangbah jong ka Ri India u Narendra Modi u la ong ba ka thong ba ha khmat eh kalong ban ia khun pyrshah ia ki ka jingburieh ia ka tyngka pliah ia kaba la tipkum ka pisa bamsap bad kane kala wanrah ia kane ka jingkylla ha ka rukom ban pyndon kam ia ka pisa ha ka ia siew ia tda ha iew ha hat.
Ha ka jingkren jogn ka Dr Ampareen Lyngdoh myntri IT jong ka sorkar jylla kala ong ba kane ka Mela kaba la long mynta ka sngi kan iarap shibun ia ki paidbah ban sngewthuh kum kane ka jingpyndon kam ha ka ia siew ia tda khlem da pyndon kam da ka pisa pliah kan ai ka jingiarap bad ha ka juh ka pork an weng ia ka jingsngew tieng ha kaba ia siew ia tada da kaba pyndon kamia ki mobile.
Na ka liang jong ka Dr Ampareen kala pynpaw ia ka jingsngewdiaw jong ka halor ka jingbym biang jong ka net work ha kane ka jylla bad ka myntri kala ban jur ba dei ban pynbun shuh shuh ia ki Tower khamtam na ka liang jong ka BSNL bad ki kompeni jong ki riew shimet ruh kum juh. Ha kane ka sngi u myntri ka sorkar pdeng u la pynlait paidbah ruh ia ka BSNL Mobicash bad u la sam ruh ia ki khusnam sha ki nongwan ia shim bynta.
