Shillong, Rymphang 24: Ki paidbah ki hap ban kynmaw ba Dei ka Seng Congress ba khang Panchayatiraj hapoh jylla Meghalaya bad ba la neh ka Sixth Schedule la neh ki Dorbar Shnong, Dorbar Raid bad Dorbar Hima haduh kine ki sngi. Ia katei ka phang la pynsngew u Bah John F Kharshiing, General Secretary, MPCC, ha 22-2-2019, ha Jaiaw Pdeng, ha ka jingialap election MDC na ka bynta u Bah Augustus Jyrwa, kyrtong MDC, INC.
Ha kane ka jingialang u bah John u la ong ba ula kynmaw ia ka jingleit ki Syiem, Lyngdoh, Sordar, bad ki nongialam District Council ha kaba ki la ia kynduh ia u Rajiv Gandhi , u Myntri rangbah duh bam kwai ha dwar u blei, ha u snem 1988 bad la kyntu ia u ban nym pynjari ia ka panchayat ha jylla Meghalaya.
Ka long kaba sngew shngain haba u Rajiv Gandhi, u Prime Minister, barim Ri India, ha ka 15 May 1989, u la pynbna hapoh Parliament ha kaba u la ong ba kane ka panchayat yn nym pyntreikam hapoh jylla Meghalaya namar ki don ki jingsynshar riewlum kiba kyrpang “Traditional Institutions of self government” ki jaka ba don ki District Council.
H aka jingialap ilekshon la ong ba u Bah Paul Lyngdoh, MLA barim u tip bha ba ka seng Congress ka kdup ia baroh ia kynmaw ba ula long teng bad iatrei lang kum u kabinet Minister la ha ka Sorkar Congress. Kumta ki paidbah ka Jaiaw constituency ki dei ban ai lad ia u Bah Augustus Jyrwa ba un long u MDC ha kane ka kynti.
La ong ba lada u Bah Augustus Jyrwa Lada u poi sha ka thong ba in shim khia ban pynkylla Khasi ia ka khyrnit kaba hynriew kumjuh ia ki ain bad ki rule kiba bun Jong ka District council khnang ba ki rangbah Shnong, bad kiwei ki paidbah kin sngewthuh kin ioh pule bad tip shaphang kitei ki Ain ba la pynjari ka KHADC.
Mynta sa shisien dei ka Seng Congress Kaba iada ia ki riewlum na ka send BJP kaba buh thong ban thombor da ka CAB. Kumta lawer ia ki NPP, UDP HSPDP PDF ban wan ia trei ryngkat bad ka Seng Congress ka Seng kaba ai jingshngain ia baroh ki riewlum.
