Shillong, Rymphang 12: Mynta ka sngi u president jong ka party People Democratic Front (PDF) bah Banteidor Lyngdoh la ong ba ka jingwan ki MLA jong ka seng Congress ban kyrshan ia ka sorkar MDA dei na ka jingtrei shitom kane ka sorkar hapoh ka jingialam u Conrad.
Kum ka party kam don ei ei ban ong ia ka jingwan ka party Cognress ban ia don lang ha kane ka sorkar, kum ka party kida sngewkmen ban ia treilang bad ka sorkar MDA kumba donlang lem kiwei ki party ha kane ka sorkar synrop.
Haba phai sha ki kam kiba kane ka sorkar kala pyrshang ki long, ka jingpdiang hapoh ka iing dorbar ban pyntrei kamia la ILP kaba dang sah mynta bad ka sorkar pdeng, ka jingiakren pynbeit pud ia kaba la phah sha ka sorkar pdeng bad kiwei kiwei ki kam pynroi ruh kiba kane ka sorkar kaleh.
Haba ia dei bad ka lynti rel u bah Hamlet Dohling, la ong ba ka party ka ieng skhem ban pyrshah ia ka lynti rel kaba ym pat lah ban ioh ia ka jingiada kaba biang na ka jingwan tuid kyrthep ki briew kiba na bar, kumba ka long mynta ka jingdawa ILP ka don ha ka sorkar pdeng.
La ong ba ka jingialang kaba ka party kala pynlong mynta ka sngi ka long ban jied ia u president ba thymmai jong ka seng samla hapoh ka party, la ong ba ka jingslem ban pyndep ia kane ka kam ka long namar ba ka don noh kane ka khlam COVID-19.
