Shillong, Naitung 11: Ka KSU Nongthymmai Circle ha ryngkat ka Tramline Badminton Academy ka la plie pyrda iaka Maitshaphrang Khasi Badminton 2023 ha indoor stadium jong ka Nongthymmai Sports Club ha ka step jong ka 11 tarik u Naitung 2022.
Ia kane ka jingplie ia ka jingialehkai la plied a u bah Bawan Khyriem President jong ka Nongthymmai Sports and Cultural Club u ba dei ruh u Rangbah shnong jong ka Nongkhyriem haka jingia sakhi lang jong ki Rangbah shnong, Rangbah dong ,seng samla shnong kiba hap hapoh ka jylli treikam jong ka KSU Nongthymmai bad ki nongkitkam ka Nongthymmai sports club ryngkat ki dkhot naki units jong ka nongthymmai circle.
La wan sakhi iakane ka sngi da u samla Shelkitbok K Bani Asst Education secy CEC ,samla Alaric Kharjana Asst Office secy KSU CEC bad samla Jason Laloo GS KSU Laban Circle iaka jingialang plie pyrda la pyniaid da u Organising secretary ka KSU Nongthymmai Circle Samla Riwenroy Kharbuli.
La ioh jingkren na u bah Lurshai Thabah naka Tramline Academy ,na u Samla Shelkitbok Kharbani u ba la ai mynsiem iaki samla ban ialehkai bha ban lait naki jingsniew ba har rukom. U samla Shelkitbok u la pynkynmaw ba ka KSU ka la pynbna syndon da ka thma pyrshah ia u drok u ba la long ka jyrsieh bah iaka jaitbynriew hi baroh kawei.
Haba kren kum u Kongsan u bah Bawan u la pynkynmaw iaki jinglong samla haba ki iakhih ki khynnah pule bun ki ong ba dei ki khynnah kai ki khynnah kynjat sla,phewse lada ym dei ba don kita ki khynnah kai khynnah kynjat sla ka jaitbynriew kan ym long kumne kumba ka long mynta ,u bah Bawan u ong ba dei sa tang ka KSU kaba long ka stieh bah ban iada iaka jaitbynriew.
U Bah Bawan u la kyrkhu kyrdoh iaki nongialehkai ba kin lah ban wanrah iaka nam iaka jaitbynriew hi baroh kawei bad iaka KSU ba kan nang lah ban pynlong iakine ki jait jibgialehkai kiba wanrah ka jingiatylli bad ka rynsan ba kin kiew sha ki kyrdan ba shalor.
Kum ka dak ban pyni ba la plie pyrda iaka tournament u Kongsan u la tied ia u shuttle ban sdang iaka game ba nyngkong. La ioh iaki kyntien ai khublei na u Vice president ka KSU Nongthymmai circle samla Richard Mawkhiew.
