Shillong, Jymmang 19: u Bah Banshai Marbaniang u la lap ba ki pipe um kiba la pyniaid na shiliang sha shiliang jong ka surok ha Lower Lachumiere kila dkut bad kane kala buh ha ka jingeh kaba khraw ia ki paidbah nongleit nongwan khamtam eh ha ka por miet.
U Bah Banshai u la ong ba kum u nongshong shnong ka jylla, ym lah ban shu peitkai, u la shon ia ki dur bad u la kylli hato kine ki pipe um ba la dkhut ki dei jong ki briew shimet ne jong ka tnad sam um jong ka sorkar, hynrei lada dei jong no jong no ruh la dei ban tap mardor ia kine ki pipe um.
U Bah Banshai u buh ia ka jingkylli ia ka tnad PWD bad PHE hato ka don ne em ka bynta ba lade dei ki riew shimet ne na ka PWD ba lada tih ia ka surok ban pyniaid ia ki pait um ki hap ban tap noh nar ia dep ban pyniaid ia ki pait um. Namar ban shu ieh kumta ka long ka jingma ia kiba iaid ba ieng la ong u bah Banshai Marbaniang u wei na ki riew trei mon sngewbha.
