Shillong, Kyllalyngkot 25: Ha dien ba ka kabinet jong ka sorkar pdeng kala pdiang ban wan rah ia ka jingpynkylla ha ka Sixth Schedule, u Chief Executive Committee jong ka KHADC u Bah HS Shylla u la khot ia jingialang jong ki para MDC ban ia kren halor kane ka bynta.
Haba kren ha ki nognthoh khubor ha dien ka jingialang bad ki para MDC na ka liang jong ka MDC kila pynpaw ba ki don ar kynhun, ki don kiba kwah ban long noh ka ilkeshon hynrei don pat kiba kwah ban pynsangeh noh shuwa ia ka ilekshon MDC kaba la buh da ka sorkar.
Kiba ong ba dei ban buh teng shuwa ia ka ielekshon ka long ba ia ka jinglut jong ka ilekshon ka dei na ka District Council kam dei na ka sorkar jylla hynrei ka shu thaw ia ki bill bad phah sha ka District Council, kumba ka paw ka long ba u Deputy Chief Minister ka long ban iaid beit ia ka ilekshon.
Kaba lyngngoh ka long ba baroh ki party ki kren ia ka jingphet seng jong ki MDC, ka jingkam ba ki lah ban ioh ia ka bor ka bym lah ban long, kumno kin bat ia ka bor synshar haba kam don ka ain ban khang ia ka jingkyntiap seng.
Hynrei mynta kin pynwan ia ka jingkylla ha ka Sixth schedule ha kaba lah ban shna ia ka ain kyntiap seng, ha ka jingsha ki party lada ki don ka jingsngewkhia ki dei ban ailad ban pynjlan ia kane ka iing dorbar kaba mynta bad ban thaw shuwa ia kane ka ain kyntiap seng kane ka pyni ba ki seng sain pyrthei kim don kata ka jingkit khlieh.
Na ka liang jong u CEM jong ka KHADC, u la ba ha kane ka kynti kaba mynta ka jingsynshar hapoh jong ka KHADC bad ha ka sorkar ki dei ki juh ki party, ka NPP, UDP, HSPDP bad ka PDF, ka ei ka jingeh pat ban shah ia u lad jong ka jylla ba un sign noh ia ki bill kiba la pass da ka District Council.
Halor kane na ka liang jong u CEM jong ka KHADC yn dang khot biang ia ka jingiakren namar mynta ka sngi kiba poi na ki para MDC ki duna shuwa ban kren ei ei la hap ban khot biang ia ka jingialang.
