Shillong, Lber 26: Ki samla kiba dei na ka shnong Umdang kaba hap hapoh jong ka West Khasi District kila duh ban leit ban leit thoh ia ka eksamin wat kam hapoh jong ka District Session Judge ha nongstoin namar ba poi slem ki shithi lyngba ka BOP Shallang sha ki samla.
Khlem da pynpaw ia ka kyrteng jong ki samla kiba la duh ban leit thoh ia ka eksamin LDA hapoh jong ka DSJ Nongstoin la iathuh ba katkum ka shithi katei ka eksamin ka long ha ka 22nd Lber 2023 katba ka shithi ki dang ioh ha ka 25th Lber 2025, kitei ki samla ki kynnoh dei na ka jingleh sting kiba trei ha post ophis.
Na ka shithi kumba ka paw na ka liang jong ka District Selection Committee jong ka District Session Judge jong ka West Khasi Hills District Nongstoin kala phah ia ka shithi ban pyntip ia kane ka eksamin naduh ka 22/Rymphang/2023 ba ka eksam kan long ha ka 22/Lber/2023 hynei ka shithi ka dang poi h ka 25/Lber/2023.
Na ka liang jong ki samla kiba la duh ban ia khun ia katei ka eksamin kila kynnoh ba kane ka jingjia baroh ka dei na ka jingleh sting jong ka Post Ophis, la iathuh ba kane ka shithi ka mih na Nongstoin bad ka Post ophis ka hap ha Riangdio bad ka shnong Umdang ka hap hapoh jong ka BOP Shallang.
La kynnoh ba ia ki shithi kiba poi ym juh don ba pynpoi hynrei la buh beit ha ki dukan shnong bad na ki dukan ki juh pyntip sha kiba dei ban ioh namar ha nongkyndong da iatip ka dei ka jongno ka shithi kaba poi bad ki trai dukan ki juh pynai sha kiba dei ban ioh.
La iathuh ba kum kane ka jingjia ban ioh slem ia ki shithi eksam wat kam kam dei kaba nyngkong hynrei kila juh jia bun sien kum kine ia ki samla ym tang ha ka shnong Umdang hynrei kiwei ruh ki shnong, lada ki post ophis ki leh kumne ka pynduh ban leit thoh eksamin ia ki samla wat kam. Kila buh ia ka jingkylli mano ban shim ia ka jingkitkhlieh.
