Shillong Naiwieng 27: ka KHNAM state youth wing da ka jingsngew khia halor ka jing kyrduh kam kyrduh jam ki samla ka jylla, kan pynlong iaka jingai jing hikai ba kyrpang ia ki samla ka jylla ki ba don ka jingthmu ban leit ban ia shim bynta ha ka jingpynrung kam shipai liengsuin, ha ka kam indian airforce security IAF non technical trade, ka ban long naduh ka 10 haduh 13 Nohprah dec ha Uuwahati, vip road borjhar (lynti sha guwahati airport).
Kii samla ki ba lah ban leit ki dei ban long ki ba dang samla, ki ba pass ia ka klas 12 na kano kano ka stream, ki dei ban ioh ia ka 50 % sha jrong ka average percentage, ki dei ban don ia ka jingjrong ba ym duna ia ka 152.5 cm, bad ki dei ban long ki ba la kha hapdeng ka 08 jan 1997 bad ka 28 june 2000.
ka ne ka program ai jinghikai la pynlong da ka jingthmu ban pynkhreh ia ki samla ka jylla, ban ai jingtip bad jinghikai halor baroh ki jingdonkam khnang ba kan plie ka lad ioh kam ioh jam ia ki samla ka thain. ka ne ka programe kan long ha ka 03 Nohprah 2016 ha dorbar hall lumkshaid ka ban sdang naduh ka por 04:00 pm.
Ia ki samla ki ba na sha jngai ki lah ban phone ia ki nongialam ka khnam state youth wing ha u number 9774414380 na ka bynta ki jingtip ba bniah.
