Shillong, Rymphang 20: Ka tnad kam poh iing ka jylla kala pyntip sha ki seng bhalang jong ka jylla ba u myntri rangbah ka jylla u Conrad K Sangma yn ia kynduh ia ki seng bhalang ka jylla halor ka jingiakren kam pud bad ka jylla Assam ha ka 23/2/2022 ha Shillong.
Ha ka shithi kaba la phah sha ki seng bhalang la thoh ba katkum ka jingbthah na ka u myntri rangbah ka jylla ba un ia kynduh ia ki seng bhalang ka jylla ha ka 23/2/2022 ha Main Secretariat ban ia kren halor ka jingiakren pynbeit pud.
Katkum ki lat khubor kiba la ioh la ong ba ka sorkar kala phah da ka jinghoh sha ki seng bhalang kiba kham paw jong ka jylla ba kin ia don lang ha katei ka seng ba ka sorkar kan pynsngew halor ka jingiakren pynbeit pud bad ka jylla Assam ha ki 6 tylli ki bynta kiba la dep ban ia kren.
Ki jaka kiba dang sah mynta ban ia kren ha pdeng ka jylla Assam bad ki jaka kiba dang sah ban ia kren ki long sa hynriew tylli, kaba ka sorkar Meghalaya bad ka sorkar Assam kim pat sdang ban ia pynbeit ia ka jingiakren.
