Shillong, Naitung 28: Ka Business Advisory Committee (BAC) hapoh ka jignpyniaid jong u Lamphang ka iing dorbar thawain ka jylla bad ki dkhot kala shim ia ka rai ban pynlong ia ka dorbar lyiur jong ka iing dorbar thawain ka jylla san sngi lynter.
Ha kane ka jingiashong dorbar lai sngi mang ia ki kam jong ka Sorkar “Government Business” ar sngi ia ki liang pyrshah “Private Business” ha kane ka jingiashong dorbar ka sorkar kan wan rah ia ka jingpan pisa shuh “Supplementary Demand for Grant”.
Na ka bynta ki kam jong ka sorkar la mang ba shim hapoh ka iing dorbar ha ka 23, 28 bad 30 tarik bad na ka bynta ki liang pyrshah la mang ha ka 27 bad 29 tarik jong u Nailar, kane ka dei ka jingpynkhreh.
Ia kane ka jingbuh sngi bad ka jingbuh tarik jong ka BAC, yn sa wanrah hapoh ka iing dorbar da u myntri ba dei peit ia ka tnad Parliamentary Affair ban ioh ia ka jingmynjur jong ka iing dorbar.
