Shillong, Nohprah 22: U Bah A Shangpliang Secretary jong ka Legislative jong ka KHADC, u la ong ba ka jingpynsmai ia ki 6 ngut ki MDC kiba dang shu jop ia ka election MDC shiteng samoi yn pynshai la shai ka sngi ha kamra jong u Chairman da u nongbishar jong ka KHADC.
La ong ba katkum ka rule hapoh jong ka KHADC ka long ba ia ki MDC dei ban pynsmai da u Lat jong ka jylla lane ia u no uno u briew u ba la bethah da u Lat jong ka jylla.
Katba ha JHADC ka jingpynsmai ia u MDC ba thymmai u Bah Lamdibok Sumer yn pynsmai da u Chairman jong ka iingdorbar. Ka jingpynsmai kan long ha ka por 11 baje mynstep.
Kine ki MDC kia la jop ia ka election shiteng samoi ha dien ba kila shim smai la shai ka sngi kin sa lah ban trei kam kum ki MDC para pura.
