Shillong, Nailur 18: Ha ki 48 kynta kiba la leit noh ki shipai suin Indian Air Force kila lah ban pynait ia ki 343 ngut ki briew na ka jingsah kut na ka daw jong ka jingtwa ka surok. Na ki tei ki briew , 115 ngut ki dei ki riew paidbah, 216 ngut ki dei ki shipai bad 12 ngut ki dei na ka kynhun shipai ITBT. Haba ia dei bad ka jingpynpoi ia ki jingbam la pynkit haduh 22 tone.
Ki shipai suin kila pyndon kam ia ki helicopter ban kit ia ki briew na ka jaka ba ki sah kut sha ki bynta ba shatei jong ka Gantok. La pyndon kam ia ki 168 ngut ki shipai suin na ka bynta kane ka kam ban pynlait ia ki paidbah na ka jingsah kut ha lynti.
Kane ka jingdkut jong ki surok ka long na ka daw jong ka jingjur jong u slap ha kine kitaiew kiba la leit noh bad kane ka jingkur jong u slap kala wanrah ia ka jingduh ha ki surok. Ia kane ka kynhun shipai suin la leh hapoh ka jingialam jong u Air Mshl Rajesh Kumar, SASO , Eastern Air Command na Shillong.
Ki shipai suin kila pyndon kam da ka helicopter Mi 17 V5 ban kit ia ki paidbah bad ia ki kynhun shipai kiba don ha ki jaka kiba la dkut ka surok bad bun ki nongjngohkai pyrthei la kit na Chugthang Mangan Chhaten sha ki bynta ba kham shngian jongka Gantok bad Bagdogra.
