Shillong, Naitung 13: Ka Deputy Commissioner jong ka East Khasi Hills District Mynta ka sngi kala pyntip ba la shah ban plie dukan haduh 11.30 baje mynmiet bad kane kan trei kam naduh mynta ka sngi.
Ki san tylli ki jaka kiba la shah ban plie dukan haduh 11.30 baje mynmiet ki long, kawei na Hotel Assembly Point sha duh Nan Polok lyngba ka surok Oakland, kaba ar ka dei baroh kawei ka Polo Hills, kaba lai ka dei Umkaliar, kaba saw ka dei ka Quinton Road bad kaba san na EC Restaurant haduh Jail Road Petrol Pump.
Kane ka jingpynbna kaba la pynmih mynta ka sngi ka long ka jingpynkylla khyndiat ia ka jingpynbna kaba la pynmih ha ka 10th Naitung 2023, lada don ba pynkhien ia kitei ki kyndon yn pynshitom hapoh ka kyndon ain 188 jong ka IPC. Kane kan treikam haduh ban da pynbna da kumwei pat.
Ka jingpynbna kaba mynshuwa kaba la pynmih haka 10th Naitung 2023 kaba kren ba baroh ki dukan kin khang hapoh ka por 10.00 baje mynmiet kiba don sawdong ka sor Shillong la wegn noh.
