Shillong, Lber 17: Ka Kynhun Awaken India Movement (AIM) Meghalaya State Unit ka khot ka iawer ia ki paidbah Nongshong Shnong jongka Jylla Meghalaya baroh kat kiba laitpor da ka jingieng ban kyrshan ia la kajong ka Imlang Sahlang ba kin poi sha ka sngi Shong Kyllaiñ Mungor ban ieng pyrshah halor ka jingpyntreikam ia ki kyndon treikam jong ka Khlam Covid-19 ha ki bynta bapher bapher.
Kane ka jingialang kan long ha ka 19 tarik mynta u bnai Lber 2022 hapoh Madan Malki hajan Dhanketi, Shillong naduh kapor 10 baje mynstep shaneng. Ka Kynhun kan ieng pyrshah ruh halor ka jingshah pynbor bad jingshah ban beiñ ki paidbah nongshong shnong jong ka Jylla ha kaban shim ia u Injek Covid TIKA jong ka Khlam Covid-19 kaba la wan lynshop tang da ki bor briew.
Ka AIM ka ieng ban ialeh pyrshah ymtang hapoh Meghalaya hynrei ha baroh ki Jylla bapher ka Ri India bad kylleng sawdong ka pyrthei baroh kawei. Halor kane ka bynta, nakaliang jongka kynhun kaba ieng iakhun pyrshah na ki bor jongka Sorkar Kmie bad Sorkar Jylla.
ka AIM kan iai ieng skhem ban dawa ban ioh ia ka Jinglaitluid halor ka hok bad ka jingshisha kumba u paidbah udei ban im bad ruh ban sngewthuh shai kum kita ki Nongialam Sorkar halor ka jingiada kaba la don lypa khlem da pynkheiñ katkum ka ka Riti Synshar jong ka Ri India.
Ka AIM ka kyntu jur ia ki paidbah jongka Ri naduh ki thaiñ Nongkyndong, Sor bad Khap Sor kynthup naduh ki Nongshong Iew, Nongbylla Sngi, Nongrep, Nongtreikam Sorkar, Muster Roll lem bad ki kmie ki kpa kiba phah skul khun kumjuh kiwei kiwei barohlang da shisha ba kum ki paidbah kiba pyrkhat lem ia la Lawei jongka Pateng kaban wan ban mih paidbah bad ai ka jingkyrshan ba pura ïa ka Awaken India Movement (AIM) kaba la thmu ban pynlong ïa ka jingialang paidbah ha katei ka sngi na ka bynta ban iada ia la ka jong ka hok bad ruh ban ioh shongsuk hapdeng ka jinglaitluid kaba pura khlem nongpynthut.
Ka AIM ka da kyntu jur ia ka sorkar, ba kamdei ban long mawjynthut ne long diengpynkiang ha kaba iadei bad kane ka bynta namar kadei ka hok jong uwei pa uwei u nongshong shnong bad lada ka sorkar Meghalaya kam ailad ïa ka AIM ba kan pynlong ïa kane ka jingialang paidbah, kata ka pyni ba kam shym la burom ïa ka Riti Synshar paidbah jong ka Ri India kumjuh lem wat ia ki Rai jongka Supreme Court ne High Court ruh kumjuh. Khublei Shibun Ba Burom iaphi Bah Banshai Marbaniang Chairman Awaken India Movement, Meghalaya
