Shillong, Jymmang 18: Ka tand pynroi sorkar jong ka sorkar pdeng kala thoh sha baroh ki Chief Secretary jong ki 28 tylli ki jylla bad sha ki Union Territory ba ki dei ban leh ei ei ban pynkylla ia ki 3,784 tylli ki shnong kiba la palat ki nongshong shnong ia ka san hajar ngut kumba la paw ha ka khana samari jong u snem 2011 kum ki shnong ba la long sor.
U Rajiv Gauba Secretary ba dei peit ia ki kam pynroi sor jong ka sorkar pdeng u la ong ba ba ia kitei ki shnong la dei ban ithuh noh kum ki jaka sor hapoh jong ka Urban Local Bodies (ULB) khnang ba ka sorkar kan lah ban theh ia ki jingiarap kiba bun sha kine ki shnong.
Katkum ki kyndon kiba la buh ha ka khana samri ba kano kano ka shnong kaba don palat ia ka san hajar ngut ki nongshong shnong bad kiba bun ki dei ki shynrang briew bad kiba trei ym ha ki kamrep bad ka jingdon briew ka dei ban don kumba 400 ngut ha ka shisquar kilometer, ba kum kine ki jaka la de ban don ia ka Municipal corporation, ne ka Cantonment Board lane Town area Committee.
U Guaba secretary jong ka sorkar pdeng u la ong ba lada ki sorkar jylla ki ai noh ia ka jingithuh ia kum kine ki shnong hapoh jong ka ULBs kine ki shnong kin ioh ia ka jingiarap na ka sorkar pdeng na ka 14th Finance Commission na ka Atal Mission jong ka Rejuvenation bad Urban Transformation (AMRUT).
Ka jingdon jong ki shnong ha ka ri baroh kawei kiba la dei ban ithuh ia ki kum ka ULBs katkum ki jylla ka long ba ka jylla Meghalaya ka don 12 tylli ki shnong,ka West Bengal-780, Kerala-461, Tamil Nadu-376, Maharashtra-279, Uttar Pradesh-267, Andhra Pradesh and Telangana-228, Jharkhand-188, Gujarat-153, Karnataka-127, Assam-126, Odisha-116, Madhya Pradesh-112, Rajasthan-112, Punjab-74, Haryana-14, Bihar-60, Goa-56, Uttarakhand-42, Jammu & Kashmir-36, Tripura-26, Manipur-23, Chattisgarh-14, , Nagaland-7, Himachal Pradesh-3, Arunachal Pradesh-1 and Mizoram-0.