Shillong, Rymphang 20: Ki samla ha kane ka jylla Meghalaya kiban dang ioh ia ka lad ban thep vote nyngkong ha kane ka MP election kaban sa wan ki don 63,018 ngut kine ki dei kiba dang shu kyntjoh sha ka 18 snem bad hadpoh ka 19 snem.
Haba shim ia ka jingkhein na ka jingdon jong ki nongthep vote ha kane ka jylla Meghalaya ki don haduh 1,553,028 ngut. Kine ki dang ioh rung thymmai ki don tang 4.1%. kane ka long katkum ka jingkhein kaba ka election commission jong ka Ri India ka la dep pynkhreh.
Ki nongthep vote kiba la 19 snem sha neng ki long 1,490,010 ngut bad kine ki long 95.1% bad ha la kynthuplang ia kine ki ba dang rung thymmai ka jingdon jong ki nongthep vote ha kane ka MP election ka ban wan kin long 1,553,028 ngut baroh.(SP News)
