Shillong, Jylliew 04: Ka sorkar pdeng kala buh ia ka thong ba baroh kit num iing ha kane ka Ri India ki dei ban don ia ka painkhana dei halor kane ka sorkar pdeng kala bei pisa sha baroh ki jylla jong ka Ri India ban ai jingiarap sha baroh ki long iing long sem ha ki shnong nongkyndong.
Haba phai sha ka jylla Meghalaya, ka jingpyntrei kam ia kane ka skhim kala iaid sted bha bad ka jingiarap kaba ka sorkar ka ai ka long T.12000/- tyngka na ka bynta kawei ka tnum iing ban shna ia ka painkhna. Ka sorkar Meghalaya ka kwah ban pyndep ia kane ka thong kumba la buh.
Na ka liang jong u Chief Engineer ba dei peit ia ka Sanitation haba kren ha u SP News Agency u la ong, haba ki pyntrei kam ia kane ka skhim ki shim ia ka Khana samri jong u snem 2012 bad mynta kila sdang ban jurip biang ban thoh ia ka khana samri namar hapoh kineki snem kila mih bun ki iing thymmai.
La iathuh ba ia mynta kumba 80 percent ki tnum iing la dep ban pyndep bad kaba sah mynta ka long sa tang 20 percent, la ong ba ka Ri Bhoi ha u bnai ban wan kan sa lah ban pynbna ba ka District kaba nyngkong ha ka jylla Meghalaya kaba la lah ban pyndep ia kane ka jingshna ia ki painkhana ha baroh ki tnum iing. Katkum ka khana samri jong u snem 2012 ki tnum iing baroh ki don ha ka jylla ki long 4.11 lak tylli.
