Shillong, Naitung 28: Ka HYC Mawlai circle mynta ka janmiet hadien ba la ioh ia ka jingujor na kawei ka long iing Jong ka Shnong Mawlai Mawtawar kaba hap ha containment zone, ba la kyntait da ka Ganesh Das Hospital ban wan thiah kha khyllung, ka seng la her bran bran sha katei ka hospital.
Ka seng hapoh ka jingialam u President bad Genaral secretary Mawlai circle ka dap da ka jingbitar namar la niewbein (stigmatized) ia katei ka Longkmie tang namar ba ka wan na ka containment zone.
U Bah Donboklang Kharlyngdoh President u la Ong, Hato, tang namar ba ki wan na kitei ki containment zone baroh ki briew ki don ia ki positive cases Jong ka COVID 19.U la dawa ba ia ka Isolation ward la dei ban pynheh shuh shuh, namar kumba long mynta ki don tang khyndiat tylli ki kamra Jong ki, bad kane ka buh jingeh ia kiba wan thiah pang.
U Bah Bashan Lyngdoh Mawnai General secretary u la Maham ia baroh ki tnad ka koit ka khiah, kiba kyntait ai jingsumar ia ki briew ki pang ba shitom ha kine ki por, namar uba pang ba shitom u don la ka hok kata ka dei ka Right to health care lyngba ka fundamental right ka riti treikam Jong ka ri India. Ngi sngewthuh ba baroh baroh ngi pynleit jingmut ha u COVID 19, kam mut pat ban kyntait noh ia kiwei ki jingshitom ban sumar Lada ngi iakhun COVID 19 .
Kane ka jingkyntait Jong ka Ganesh Das Hospital ka jia mynne mynstep por 10 baje, bad Kumta mar mar ka seng ka la shimkhia ban iakren bad u DHS, Dr Aman War. Lyngba ka jingiakren bad sngew thuh jingmut ba i, la lah ban pdiang biang ia katei ka Longkmie ha ka por 3.15 pm ha isolation ward.
Haba ai jingkren na ka Liang ka Kmie Jong katei ka Longkmie armet, da ka jingjaw ummat, kala Ong ba dang kumba shisnem nga la duh ia kawei ka khun bad nga la ri khunswet mynta saw ngut, hato ngan dang iai mad biang ia kane ka juh ka jingsngew sih sa shisien pat, lyngba ka jingkyntait ban admit ia kane ka khun hangne ha hospital.
Ka kmie kala iathuh ruh ba mynne mynstep ki la leit phai iam rem sha la iing, bad la raikut jia katba jia na bynta ka khun. Hynrei ngi sngew donbok lyngba ka jingioh phone noh Sha ki Nongialam HYC Mawlai circle, ngi la lah ban wan biang shane, ha ryngkat ka jingsynran Jong ki, bad la ioh ban admit ia ka khun Jong nga mynta.
Ka la iathuh shuh shuh ba 6 tarik mynta u bnai ki la wan, bad ki bor pyniaid nangtei ki Ong, phi ba na Jan, sa wan da la Suh kha, hynrei da leit pat mynne mynstep ki kyntait, tang namar ka shnong Jong ngi ka dei ka containment zone. La ong u bah Bashan Lyngdoh Mawnai General secretary HYC Mawlai circle. 
