Shillong, Iaiong 23: U Myntri Rangbah ka jylla u Conrad K Sangma u la ong ba haduh mynta kiba la dep ban test ki long 1109 ngut, na kine 1000 ngut ki long negative, kiba long positive ki dang neh ki juh 12 ngut, khlad noh I wei sah 11 ngut bad ki resolt kiba dang ap ki long 97 tylli.
U Myntri rangbah u la iathuh ba baroh haduh mynta kiba la screened ki long 24,382 ngut, kiba shong quarantine ha iing ki don 5,208 ngut, kiba quarantine ha ki jaka ba la buh kyrpang ka sokar ki don 296 ngut.
Ki briew kiba la pyntip lyngba ka helpline ki long 49,391 ngut, ki briew kiba la ioh ban ia kren lyngba ka IVRS ki long 22,303 ngut, ki briew kiba la shem da kaba leit ki long 223 ngut kiba don jingiadei bad kiba shitom bad 5,007 ngut kiba shu leit ha ki jaka sumar jong ka Bethany Hospital.
U Myntri rangbah u la iathuh ba baroh kito kiba shitom ki la kham ioh bor kumba ka long haduh mynta. Haba ia dei bad ki tiar ban ia da ia ki nongtrei ka koit ka khiah, ki PPEs ki don 64,458 tylli, ki 3 ply mask ki don 5,10,000 tylli bad ki 95N mask ki don 65,190 tylli ba ka sorkar kala ioh haduh mynta ka sngi.
Na ka opjis jong u Chief Minister Secretariat,haba ia dei bad ka jingiarap ia kito kiba sah kut sha bar ka jylla na ka “CMs Special Grant” kiba la register haduh mynta ki long 10,287 ngut, kiba la dep ban pynshisha ki long 6878 ngut bad ka pisa kaba la phah lyngba ki bank akkount jong ki ki long 5,087 ngut.
Ka tnad ba dei peit ia ki nong bylla kala ioh pdiang ia ki aplikoshon haduh 2,33,193 ngut, kine ki dei ki nongbylla kiba khlem resgiter hangno hangno ruh kaba ka sorkar ka thumu ban iarap kyrpang ia ki T.2100/- tyngka na ka bynta kine ki lai taiew ba la khang. Haduh mynta ka sngi la lah ban peit bniah haduh 2,02,281 ngut.
Haba ia dei bad kiba trei bylla kiba la register hapoh jong ka BOCW Act kine ki don 9,302 ngut bad kine ki ioh T.3000/- tyngka na ka bynta kine ki lai taiew kiba la dep khang.
Ki jingiarap kiba dei na ka tnad rep kaba wan lyngba jong ka PM Kisan Samman Nidhi ki nongrep kiba la ioh ia kane ka jingiarap ki long 87,189 ngut ki nongrep ha kane ka jylla Meghalaya ha kaba kila ioh T.2000/- tyngka.
