Shillong, Naiwieng 08: Mynta ka sngi ki kynhun balang paher pbaher kila leit ban ia kynduh ia u CEM jong ka KHADC u Bah PN Syiem ban ia mir jingmut halor ka ain Meghalaya Compulsory Marriage Registration Act 2012 kaba la pass da ka iing dorbar thaw ain jong ka jylla ban ia kren hato kan ia tyngkhuh ne em bad ka ain jong ka KHADC.
Haba kren ha ki nongthoh khubor u Bah PN Syiem, u la ong ba kane ka long tang ka jingiamir jingmut namar kumba ka long mynta ki nongialam niam bapher bapher ki ioh ia ka jingithuh na ka KHADC katkum ka ain jong ka District Council kaba la tip kum ka KHADC Christian Marriage Act 1954, ia kaba ka KHADC kala shim na ka ain kaba la pass da ka parliament ia kaba la tip kum ka Christian Marriage Act 1872.
Ka jingpynsngew jong ki nongialam niam ha kane ka jingiakynduh lang ba kito ki Khristan baroh kiba la pyniathoh ki hap ban leit biang ban register bad ki Registration officer kiba la buh da ka sorkar bad kane ka long ba hap leh ar sien ia ka juh ka kam ka buh ia ki nongthoh ha ka jingeh kaba khraw.
Ha ka juh ka por u Bah Pynsngian u la ong ba ka jingthmu jong ka katei ka ain kaba la wanrah da ka sorkar jylla ka thew ia kito ki ba shu ia shong khlem da don kano kano ka jingiathoh kane ka long ban iada na ka jingshah leh beain, jong ki kynthei.
Haba ia dei bad kane ka phang na ka liang jong ka KHADC kala aiti sha ka tnad ain ba kan bishar bniah ia kane ka kam bad kan peit ia u kaba lah ban leh ha kaba ia dei bad kane ka ain ban ioh ia ka jingshai kaba kham bniah.
