Shillong, Rymphang 07: Mynta ka sngi ki MDC jong ka iing dorbar thawain ka KHADC hapoh ka jingialam jong u CEM u bah Titosstarwell Chynre kila leit ban ia kynduh ia u mytnri rangbah ka jylla u Cornad K Sangma ban pynthikna ha kaba ia dei bad ka jingai jingmut ha ka jingpynkylla ia ka khyrngit kaba hynriew sha ka sorkar pdeng.
U Nongialam ka liang pyrshah u bah PN Syiem la ong ba ka jingia kynduh ia u myntri rangbah ka jylla ka long ban tan pynthikna ia ka jingai jingmut ka sorkar jylla sha ka sorkar pdeng ha kaba ia dei bad ka jingpynkylla ia ka khyrngit kaba hynriew.
Ha ka jingiakren la sngewthuh ba ka sorkar jylla kala dep ban phah ia ka jingai jingmut sha ka sorkar bad ka phang ba ki ia kynduh ka long ban ia shai la ka sorkar jylla kala dep phah ne em sha ka sorkar pdeng bad na ka jingiakren la sngewthuh ba ka sorkar jylla imat kala dep phah.
Ha kane ka jingiakynduh na ka liang jong ka KHADC kila pynsngew ba ka “Village Council” kam ia hap bad na ka liang jong u mytnri rangbah ka jylla u la ong ba na ka liang jong ka sorkar kala phah lang bad ka “Village Dorbar” bad “Village Council” hynrei ia mynta ym pat lah ban ong ei ei namar bay m pat ioh ia ka jingthoh.
