Shillong, Lber 13: U Myntri Sran ka Hima Jirang la ong ba ka jingthung pud ka jylla Assam ha Ri Bhoi District kam dei tang ha Umshru hynrei ka dei la jan baroh ki bynta jong khappud, namar katkum ka soskular ba la ia soi ha pdeng u Myntri Rangbah ka jylla bad ka Assam ka long na Jenrikang te ki thew beit sha Umshru sha Paham bad mynta kila poi sieh mawpud ha pynthor bah Snomik Kalwing.
Haba kren sha u SP News Agency la ong ba na dien jong kitei ki jaka la bud na katei kila sieh biang ha Amring bad nangta ki sieh sa ha Narling bad ka poi sha Umshaleni bad ka mih sha Domupaham bad na kane ka jaka ka poi beit sha Patharkhaiong kine ki jaka ki hap hapoh jong ka Ri Bhoi District.
Ka sorkar Assam kala sdang ban pyntrei ruh ia ka surok PMGSY napoh Amring da kaba iaid lyngba ka Narling bad ban poi sha duh Umshaleni, Kitei ki jaka baroh ki hap hapoh jong ka Ri Bhoi District.
Kaba pynlyngoh ka long ba kumno ka sorkar Assam kala da wan sieh pud haba kane ka jingiakren ka dang sah bad ka tnad kam poh iing jong ka sorkar pdeng, hynrei ka sorkar Assam kala dan wan ban sieh pud, ha kine ki mawpud la thoh shai Assam Survey 2021-22.
La iathuh na ka liang jong u Deputy Commissioner jong ka Ri Bhoi District ha ka jingshisha la buh ban ia kynduh ia ki khlieh nongsynshar shnong la shai ka sngi nyngkong hynrei la pynkynriah bad la buh por ban ia kynduh la sngi Balang, kae ka long katkum ka jingiathuh na ka Hima Jirang.
