Shillong, Jylliew 21: U Bah L G Nongsiej Chairman jong ka KHADC mynta ka sngi u la pyntip hapoh ka iing dorbar ba ka ophis kala pdiang ia ka No Confidence Motion kaba la wanrah da u Bah Teinwell Dkhar jong ka UDP, ha ka juh ka por u la pyntip hapoh jong ka iing ba ia kane ka NC la weng noh da u tei u nongialam jong ka prty UDP.
Ia ka NC pyrshah ia ka Executive Committee kaba la ialam da u Bah PN Syiem la leit ban buh da u Bah Teinwell Dkhar ha ophis jong u Secretary jong ka Legislative jong ka KHADC ha ka por kumba 10 Baje mynstep ha kaba la synran lang ruh da u Bah Pyniad Syiem ban ai ia ka NC.
Hynrei ha ka por ba la sdang ia ka iing dorbar ha ka por kumba 11.25 baje mynstep, u Chairman shuwa ban sdang ia kiwei ki kam jong ka iing dorbar u la pyntip ba kala don ka NC kaba la wan rah da u Bah Teinwell Dkhar, ha ka juh ka por u la pynbna ba ka ophis kala ioh ia ka jingthoh ba la weng ia kane ka NC.
