Shillong, Nailur 04: U Bah Lamki Kyndiah u wei na ki dkhot jong ka Sein Jaintia shillong, ba shong ba sah ha Paltan Bazar, u la buh ia ka jingkylli ha kaba ia dei bad ka jingpynpra noh bad shna thymmai ia ka Sein Jaintia hall ha Qualapaty khlemda don ka jingiatip lang jong u ba bun balang.
U Kyndiah u la kynnoh ba ia kane ka rai ban pynpra la shim da ka executive committee jong ka Sein Jaintia khlem da kynjoh ktien ia ki ba bun balang jong ka seng kiba don ha kane ka nongbah Shillong. La ong ba la 13 snem lynter ka EC kam shym la khot ia ka jingialang paidbah pyllun.
Haba ia dei bad kane ka kam u la pan da ka RTI ha u bnai Lber mynta u snem na u secretary jong ka Sein Jaintia hynrei haduh mynta u pat ioh ia ka jubab, u la thoh ruh sha u president ka seng u Bah Toki Blah ba un khot ia ka jingialang paidbah katkum ka riti trei kam jong ka seng ka kyndon kaba hynniew ba ia ka dorbar dei ban pynlong man ka ar snem hynrei ym shym la leh ia kane ruh, la ong u Bah Lamki.
Dei ha u bnai Iaiong mynta u snem u la thoh sha u Chairman jong ka board ba dei jong ka trust Bah GS Massar ba u dei ban pynshai halor kane ka jingpynpra hynrei ym shym la ioh kano kano ka jingpynshai.
Kumba ka paw ia ka pisa ban shna ia kane ka ing la bei da ka tand art and Culture department ha ka jinglut kaba T. 1,54,1 1,000 na ka bynta ban tei ia ka ‘Sein Jaintia Indigenous Culture-cum-Multipurpose Centre ha Bara Bazar’ Shillong (Phase 1), hynrei katkum ka drawing ba la ai da ka Sein Jaintia to arts and culture kala kdew shai ba kin don 16 tylli ki dukan bd la pdaing ruh da ka MUDA.
Kane ka wanrah ia ka jingkylli ba kumno ka tand Ar and Culture ka lah ban ai pisa na ka bynta ban shna dukan ruh, nga don ka jingsuba ba ka don ei ei halor kane namar ba ia ka soskular kaba la ia soi bad u kontrator ruh ym shym la ai lad ia u ban peit, la kam u bah Lamki Kyndiah.
