Shillong, Naitung 20: Katkum ka kaiphot kaba la pynlait da ka UNWTO, ha u bnai Jymmang jong mynta u snem halor ka jingwan jong ki briew bana bar jong ka Ri India sha kane ka Ri, haba shim ia ki jylla, ka jingwan jong ki briew sha kane ka jylla Meghalaya kala nang hiar, ha u snem 2013 kiba wan ki long 6773 ngut ha u snem 2014 ka kiew sha ka 8864 ngut bad ha u snem 2015 ka hiar sha ka 8627 ngut.
Haba shim ia ka dong shatei lam mih ngi jong ka Ri India baroh kawei ka jingpoi jong ki nongwan jngohkai pyrthei sha kane ka thain ka long tang 0.5 percent haba ia nujor bad ka jingwan jong ki nong jongohkai pyrthei sha kiwei ki bynta ha kane ka Ri India.
Katkum katei ka kaiphot jong ka UNWTO kajingwan jong ki briew na kiwei ki Ri jong ka pyrthei kala nangkiew bad ka Ri India kala kiew sha ka 40 percent ha ka snem 2015. Katkum ka jingjurip jong ka Working Group ha kaba ia dei bad ka jingdon kam ia ki karam ha ki iing bsa kan long haduh 1,90,108.
Ban shna ia ki hotel ka long ha ka kti jong ki riew shimet hynrei na ka liang jong ka sorkar pdeng lyngba jong ka tand jngohkai pyrthei la bthah ia baroh ki sorkar jylla ba ki dei ban shim ia ki lad ki lynti kumno ban kyntiew ia kane ka kam jngohkai pyrthei ha ki jylla ki jong ki.
