Shillong, Sept 12: Ka seng Meghalaya Progressive Special Educators hapoh ka IEDSS kala phah da ka jingthoh sha u myntri ka tnad pule puthi ka jylla u bah Lahkmen Rymbui ban kyntu ia ka sorkar ban siew noh ia ka tulop jong ki kaba dang sah naduh u bnai Lber 2022 haduh mynta.
Ka seng MPSEU kala phah ia ka jingthoh ruh sha u Chief Secretary u bah DP Wahlang, la ong ba kum ki nonghikai kiba hikai ha ki skul kiba don ka jingduna ha ki dkhot met kiba la thung ha u snem 2017 naduh bala pyntrei kam ia kane ka skhim naduh u snem 2009-2010.
Kane ka long ban pynmih bujli ia ka skhim Integrated Education for Disabled Children (IEDC) kaba la ai jingirap sha kine ki skul haduh ka class IX-XII. Bad ia kane ka skhim la pynrung hapoh ka Rashtriya Madhyamik Shiksha Abhiyan (RMSA)1 naduh u snem 2013.
Kine ki nonghikai kiba kyrpang kiba ka sorkar kala thung ki don 15 ngut ha ka jylla Meghalaya baroh kawei, kum ki nonghikai ban hikai kyrpang ka long ban ai ka jinghikai ia ki samla pule kiba don kam jong ki khynnah skul kiba don kam man la ka sngi kum ka jingpynioh ia ka baibam kiba ai ka sorkar.
Kine ki nonghikai kila shim khia ban pyntbit ia ki khynnah da kaba ia treilang bad ki kynhun hapoh ka ain Persons with Disabilities Act (1995) bad ka National Trust Act (1999) ha ka klass IX haduh XII, kiba don jingduna bad na ka bynta ki kynthei ka don ka jingpeit kyrpang na ka bynta jong ki.
Kaei kaba jia ka long ba kine ki nonghikai ki kynduh jingeh namar ka sorkar kam siew ia ka tulop jong ki mynta la bun bun bnai bad ka jingsiew ia ka tulop ka long shisien lane ar sien ha ka shisnem, kane ka ktah ia ka jingteikam jong ki ha kaba ki don ki khep ba kim lah ban leit sha ki jaka hikai ba kin ioh tulop.
Na ka liang jong ki nonghikai ki kyntu ia ka sorkar jylla ba kan siew lem noh ia ka tulop jong ki kumba kala siew ia ki nonghikai SSA, la kyrpad ia ka sorkar ban siew ia ka tulop jong ki, ia kane la pynpaw da u nongai buid ka seng u bah Nepolian Mawphiang ha ka jingiadon lang ki nongkit kam haba kren ha lat pathai khubor ha Shillong Press Club.
Ki nonghikai lada ka sorkar kam siew ia ka tulopjong ki kin pynlong ia ka jingiakhih ryngkat ba kito kiba ioh ia kane ka jingmyntoi lada ka sorkar kam sngap ia ka jingkyrpad ka jong ki.
