Shillong, Jylliew 01: U Bah Benediction Buam General Secretary jong ka shnong Muktapur u la ong ba ka dei ka jingshisha ba kila ioh ba kem ia ki 8 ngut ki briew kiba la wan phai na Bangladesh ha dien ba la wan buh ia ki Biri ha ka miet 31. 5.2020 kiba dei na ka shnong Jarain.
Haba kren ha u SP News Agency u Bah Buam u la iathuh ba ka shnong bad ka kynhun VDP kila dep ban ai ia ka ehajar ia kite ki phra ngut kiba la ia bat da ka shnong sha ki pulit bad mynta kine ki phra ngut ki don ha thanad ha Dawki.
Haba ia dei bad kane na ka liang jong ka shnong kala shim iaka rai ban weng noh ia kane ka ejahar namar ba ki dei tang ki nongkit nong bylla ia u Biri jong u briew ba la sin kyrteng Mabhoi na ka shnong Syndai kumba la kdew ha ka ejahar.
Na ka liang jong ka shnong ka pynpyrkhing bha ia ka leit ka wan jong ki briew namar ha Bangladesh bun bah ki briew kiba la ioh ia kane ka khlam COVID-19 khamtam ha Jaintiapur bad ka long kaba ma ba kine ki shnong khappud bad ka Bangladesh ki dei ia khap bad ka Jaintiapur.
Mynta mynstep por 9:00 baje mynstep ka Dorbar Shnong Muktapur bad ki BSF kila ia leit jurip biang iaka jaka pynhap bad pynhiar ia ki biri ba la shalan sha Bangladesh daki nongkit bylla kiba na ka shnong Jarain.
Ha kane ka jingleit jurip na ka liang jong ki BSF kila pynshai ba kane ka jaka ba ki pynhap biri ban shallan sha Bangladesh na u Pilar 1283/5-S kam hap shuh hapoh ka jingpeit jong ka Muktapur BOP hynrei kala hap hapoh ka jingpeit jong ka Rongtilla BSF BOP.
