Shillong, Naitung 27: Ki nongtrei jong ka Bharat Sanchar Nigam Limited (BSNL) kiba don ha Shillong mynta ka sngi kila pynlong ia ka jingiakhih kaba shisngi ban dawa na ki bor ba halor ba ki dei ban ai ia ki san tylli ki mat jong dawa jong ki nongtrei.
Ki san tylli ki mat jong dawa ki long, ka sorkar ka dei ban pynbeit noh ia ka tulop jong ki nongtrei kaba dei ban trei kam noh haduh ka 01.01.2017, ka sorkar ka dei ban pynbeit noh ruh ia ka baibam tynmen jong ki nongtrei kiba la shong thait kaba dei ban trei kam naduh ka 01.01.2017.
Ki nongtrei ka BSNL ki dawa ba ia ka bai bam tynmen jong ki haba shim jingkhein ia ka pension jong ki dei ban shim ia ka tulop kaba ki ioh. Ka sorkar ka dei ban ai 30 % ia ki jingmyntoi sha kito ki nongtrei kiba la ioh rung kam hapoh BSNL ha ka por ba ki shnong thiat. Kane kan long tang ia kito kiba la shuh thung beit hapoh ka BSNL.
Kine ki nongtrei jong ka BSNL ki dawa ba ka sorkar ka dei ban weng noh ia ka shihithi kaba ki la thoh ha ka 08.05.2017 , kaba ong ban pynduh noh ia baroh ki trade union hapoh jong ka BSNL. Ha kane ka sngi baroh ki nongtrei jong ka BSNL kila pynlong ia ka jingshong kyllain mungor ha phyllaw jong ka CTO office Shillong.
